秋冬已到， 日夜温度相差好大， 氣管敏感又發作， 搞到成日係度咳咳咳 ， 隔離位同事都以為我有肺癆，食左藥都唔覺好， 與其成日食西藥，不如試下鱷魚肉燉湯 ， 飲左幾次之後，感覺條氣順左好多， 又咳少左 ， 值得推介比大家
鱷魚肉功效： 鱷魚肉有助健肺、除痰、 順氣、止咳、增強肺部功能 ， 對於哮喘，久咳，傷風咳 甚為有效。 食用對象： 男女老幼都可以飲用。
鱷魚肉湯包配料：
鱷魚肉、川貝、南北杏、無花果、陳皮
做法： 鱷魚肉及瘦肉要先飛水， 所有材料洗淨後放入燉盅燉 2.5-3小時， 最後加少許鹽就可食用。